-ນະຄອນຫຼວງວຽງຈັນ, ວັນທີ 14 ກໍລະກົດ 2021 ກະຊວງແຜນການ ແລະ ການລົງທຶນ ( MPI )ໄດ້ຮ່ວມມືກັບ ບັນດາອົງການສະຫະປະຊາຊາດ( UNFPA, IOM , UN-HABITAT), ແລະ ອົງການຮ່ວມມືເພື່ອການພັດທະນາສະວິດ(SDC) ວ່າດ້ວຍການເປີດຕົວແຜນງານຮ່ວມໃນການປົກປ້ອງ ແລະໃຫ້ບໍລິການສຳລັບຜູ້ຕັ້ງພູມລຳເນົາໃໝ່ ,ແຮງງານເຄື່ອນຍ້າຍ ແລະໄວໜຸ່ມຢູ່ແຂວງສະຫວັນນະເຂດ ແລະຈຳປາສັກ.
ກອງປະຊຸມໄດ້ຈັດຂຶ້ນທາງອອນລາຍ ເຊິ່ງໃຫ້ກຽດເປັນປະທານໂດຍ ທ່ານ ນາງ ພອນວັນ ອຸທະວົງ, ຫົວໜ້າກົມແຜນການ, ກະຊວງແຜນການ ແລະ ການລົງທຶນ, ຮ່ວມກັນກັບ ທ່ານ ຊ໋ອງ-ຟຣັອງຊົວສ໌ ກູເອໂນດ, ຜູ້ອຳນວຍການຝ່າຍຮ່ວມມືພາກພື້ນຂອງ SDC ແລະ ທ່ານ ນາງ ມາຣຽມ ເອ.ຄານ, ຜູ້ຕາງໜ້າອົງການ UNFPA ປະຈຳ ສປປ ລາວ
ທ່ານ ນາງ ພອນວັນ ອຸທະວົງ, ຫົວໜ້າກົມແຜນການ, ກະຊວງແຜນການ ແລະ ການລົງທຶນ, ກ່າວວ່າ: “ຂ້າພະເຈົ້າຂໍຂອບໃຈອົງການສະຫະປະຊາຊາດ (UNFPA, IOM, ແລະ UNHABITAT), ໂດຍສະເພາະ SDC, ທີ່ໃຫ້ການສະໜັບສະໜູນດ້ານງົບປະມານສຳລັບໂຄງການຮ່ວມມືນີ້. ຂ້າພະເຈົ້າຂໍສະແດງຄວາມຂອບໃຈມາຍັງບັນດາກະຊວງສາຍຕ່າງໆ, ໂດຍສະເພາະກະຊວງສາທາລະນະສຸກແລະກະຊວງແຮງງານແລະສະຫວັດດີການສັງຄົມ ທີ່ໃຫ້ຄວາມຮ່ວມມື ແລະເຮັດໃຫ້ໂຄງການນີ້ໄດ້ເກີດຂຶ້ນ.
ການລະບາດຂອງພະຍາດ COVID-19 ໄດ້ສົ່ງຜົນກະທົບຢ່າງແຜ່ຫຼາຍ ໂດຍສະເພາະແມ່ນກຸ່ມທີ່ມີຄວາມສ່ຽງເປັນຕົ້ນແມ່ນ ແຮງງານເຄື່ອນຍ້າຍ, ແມ່ຍິງ ແລະ ເດັກຍິງ, ແລະ ກຸ່ມຄົນພິການ. ແມ່ຍິງມີສັດສ່ວນເກືອບເຖິງ 50% ຂອງຜູ້ອົບພະຍົບໃນອະນູພາກພື້ນແມ່ນໍ້າຂອງ, ໂດຍສະເພາະແມ່ນເດັກຍິງ ໃນກຸ່ມອາຍຸລະຫວ່າງ 15-24 .
ຜູ້ອົບພະຍົບທີ່ເປັນແມ່ຍິງ ໂດຍປົກກະຕິແລ້ວແມ່ນມີລະດັບການສຶກສາທີ່ຕໍ່າກວ່າ ແລະ ມີລາຍໄດ້ໜ້ອຍກວ່າກຸ່ມເພດຊາຍ. ເຊິ່ງການແຜ່ລະບາດຂອງພະຍາດ COVID-19 ເປັນສາເຫດເຮັດໃຫ້ຕົວເລກຂອງຜູ້ອົບພະຍົບກັບຄືນ ພູມລຳເນົາ,ໄດ້ອາໄສຢູ່ແຫຼ່ງທີ່ພັກຢູ່ຊົ່ວຄາວ ມີໂຕເລກສູງຂຶ້ນ. ຄວາມສ່ຽງຂອງຜູ້ກັບມາ ແມ່ນມີທ່າທີທີ່ຈະເພີ່ມຂຶ້ນ ເນື່ອງຈາກເງື່ອນໄຂທີ່ຫຍຸ້ງຍາກໃນການດໍາລົງຊີວິດໂດຍສະເພາະແມ່ນ ການຂາດແຄນການປະຕິບັດສຸຂະອານາໄມທີ່ດີ, ຄວາມບໍ່ພຽງພໍຂອງອາຫານແລະ ໂພສະນາການ, ການຂາດແຄນທາງດ້ານໂອກາດໃນການເຮັດວຽກ, ແລະ ການຈໍາກັດ ການເຂົ້າເຖິງການບໍລິການ ສຸຂະພາບທາງເພດ ແລະ ສຸຂະພາບຈະເລີນພັນສໍາລັບ ແມ່ຍິງ ແລະ ໄວໜຸ່ມ.
ຈຸດປະສົງຂອງໂຄງການແມ່ນແນໃສ່ການຕິດຕາມບັນຫາສຸຂະພາບ ແລະ ເສດຖະກິດ-ສັງຄົມ ທີ່ເປັນຜົນເນື່ອງມາຈາກການແພ່ລະບາດຂອງພະຍາດໂຄວິດ-19, ໂດຍຜ່ານການ ສະໜັບສະໜັບສະໜູນ ແລະ ເສີມສ້າງຄວາມສາມາດໃຫ້ລັດຖະບານ ແລະ ຊຸມຊົນໃນ ສປປ ລາວ ເພື່ອຮັບມື ແລະ ປັບສະພາບກັບວິກິດການດັ່ງກ່າວນີ້ໄດ້ຢ່າງທັນການ. ໂດຍການເນັ້ນຫນັກໃສ່ສອງແຂວງພາກໃຕ້ຄື ສະຫວັນນະເຂດ ແລະ ຈຳປາສັກ, ເຊິ່ງເປັນແຂວງທີ່ມີປະຊາກອນຈຳນວນຫຼາຍ, ຈຳນວນຜູ້ອົບພະຍົບກັບຄືນມາທີ່ຫຼາຍ, ລວມເຖິງຄວາມຕ້ອງການນໍ້າ, ສຸຂາພິບານ ແລະ ສຸຂະອະນາໄມ ໃນເວລາດຽວກັນ.
ໂຄງການນີ້ຈະຊ່ວຍເຫຼືອຜູ້ອົບພະຍົບທີ່ອາໄສຢູ່ໃນສະຖານທີ່ພັກເຊົາທີ່ີຄວາມສ່ຽງ ແລະ ເສີມສ້າງການຄຸ້ມຄອງທາງສັງຄົມໃຫ້ພວກເຂົາມີຄວາມເຂັ້ມແຂງ ແລະ ເພື່ອໃຫ້ປະຊາຊົນສາມາດຟື້ນຟູການດໍາລົງຊີວິດ ສຸຂະພາບ ແລະ ຄວາມເປັນຢູ່ທີ່ດີໄດ້.
ທ່ານ ຊ໋ອງ-ຟຣັອງຊົວສ໌ ກູເອໂນດ, ຜູ້ອຳນວຍການຝ່າຍຮ່ວມມືພາກພື້ນຂອງ SDCໄດ້ກ່າວວ່າ: “ດັ່ງທີ່ພວກເຮົາໄດ້ເຫັນໃນມື້ທີ່ຜ່ານມາ ຕົວເລກຂອງແຮງງານທີ່ກັບມາຈາກປະເທດໄທມີ່ທ່າທີ່ເພີ່ມຂຶ້ນ. ສະນັ້ນ, ນີ້ຈຶ່ງເປັນເວລາທີ່ເໝາະສົມແກ່ການປະຕິບັດໂຄງການ.” ທ່ານຍັງໄດ້ກ່າວຕື່ມອີກວ່າ: “ແຜນງານຮ່ວມຍັງຈະຊ່ວຍປະກອບສ່ວນເຂົ້າຊ່ວຍພາກລັດ ແລະ ຊຸມຊົນໃນການເສີມສ້າງການກັບຄືນສູ່ສະພາບປົກກະຕິ ແລະ ປັບປຸງຄວາມອາດສາມາດໃນການຮັບມືເພື່ອການໂຕ້ຕອບໄລຍະຍາວຈາກການລະບາດຂອງພະຍາດໂຄວິດ ຕໍ່ວິກິດການທາງດ້ານສຸຂະພາບ ແລະ ເສດຖະກິດ-ສັງຄົມ .
ທ່ານ ນາງ ມາຣຽມ ເອ.ຄານ, ຜູ້ຕາງໜ້າອົງການ UNFPA ປະຈຳ ສປປ ລາວ ໄດ້ກ່າວວ່າ: “ "ຂ້າພະເຈົ້າຂໍຂອບໃຈກະຊວງແຜນການແລະການລົງທືນທີ່ໄດ້ປະສານງານໃຫ້ກັບບັນດາຄູ່ຮ່ວມມືໃໝ່ ແລະຂໍຂອບໃຈ SDC ໃນການສະໜັບສະໜຸນຄັ້ງນີ້" ທ່ານນາງ ຄານ ໄດ້ເນັ້ນໜັກວ່າໂຄງການຮ່ວມມືນີ້ໄດ້ລິເລີ່ມພາຍຫຼັງ ການລະບາດໂຄວິດຮອບທຳອິດ,ເຊິ່ງເຮັດໃຫ້ພວກເຮົາໄດ້ມີການກຽມໂຕໃນຮອດການລະບາດຄັ້ງທີ່2,“ ພວກເຮົາໄດ້ມີການປັບປ່ຽນໃຫ້ສອດຄ່ອງ ຕໍ່ສະພາບການປ່ຽນແປງ.ໂດຍການສັງເກດຕົວເລກຂອງການລະບາດ
ໃນຮອບທີ່2 ເປັນຕົ້ນແມ່ນຢູ່ບັນດາແຂວງທີ່ເປັນເປົ້າໝາຍ, ຖ້າຕ້ອງການແຜນການຈະມີການປັບປ່ຽນຕື່ມອີກ. ອົງການ UNFPA ໃນຖານະທີ່ເປັນອົງການນຳພາຄັ້ງນີ້ຂໍໃຫ້ຄຳໝັ້ນສັນຍາວ່າຈະເຮັດໃຫ້ອອກມາມີປະສິດທິພາບທີ່ສຸດ”
ພາຍໃຕ້ການຮ່ວມມືດັ່ງກ່າວນີ້, ຜູ້ທີ່ໄດ້ຮັບຜົນປະໂຫຍດໂດຍກົງແມ່ນມີຈຳນວນສະເຫຼ່ຍ 172,000 ຄົນ, ໃນນັ້ນມີແມ່ຍິງ 101,160 ຄົນ ລວມທັງຜູ້ອົບພະຍົບຜູ້, ພະນັກງານອົບພະຍົບພາຍໃນ, ຜູ້ອົບພະຍົບທີ່ຖືກຍົກຍ້າຍຫຼືຕົກຄ້າງແລະຜູ້ຖືກເຄາະຮ້າຍຈາກການຄ້າມະນຸດ, ໄວໜຸ່ມ, ຜູ້ປະສົບເຄາະຮ້າຍ ຈາກການໃຊ້ຄວາມຮຸນແຮງທາງເພດ. ນອກຈາກນັ້ນ, ຄາດວ່າຈະມີປະມານ 600,000 ຄົນໄດ້ຮັບຜົນປະໂຫຍດທາງອ້ອມຈາກໂຄງການຮ່ວມມືນີ້.”
ແຜນງານຮ່ວມມືແມ່ນໄດ້ຮັບການສະໜັບສະໜຸນຢ່າງເຕັມທີ່ ກໍຍ້ອນຄວາມຮ່ວມມືຢ່າງໃກ້ຊິດ ຈາກລັດຖະບານ, ບັນດາອົງການສະຫະປະຊາຊາດ( UNFPA, IOM , UN-HABITAT)ແລະ ຄູ່ຮ່ວມມືໃນພາກພື້ນ.
ທ່ານ ນາງ ຊາຣິນ ທູລາດ ຫົວໜ້າຫ້ອງການອົງການຈັດຕັ້ງສາກົນເພື່ອການເຄື່ອນຍ້າຍຖິ່ນຖານ ປະຈໍາ ສປປ ລາວ (IOM) ກ່າວວ່າ ພວກເຮົາຈະໃຫ້ບໍລິການຊຸມຊົນໂດຍສະເພາະກຸ່ມຄວາມສ່ຽງແລະຊ່ວຍສ້າງຄວາມອາດສາມາດຂໃຫ້ພະນັກງານວິທະຍຸຊຸມຊົນແລະອາສາສະ ໝັກ ໄດ້ຮັບຂໍ້ມູນ, ການສຶກສາແລະຊັບພະຍາກອນທີ່ຖືກຕ້ອງແລະທັນເວລາແກ່ຊຸມຊົນຂອງພວກເຂົາ.
ທ່ານ ດຣ ອາວີ ຊາຣ໌ກາຣ໌ ,ຫົວໜ້າທີ່ປຶກສາດ້ານເຕັກນິກUN HABITAT ໄດ້ກ່າວວ່າ: ເປົ້າໝາຍຫຼັກຂອງUN-HABITAT ໃນການຮ່ວມມືຄັ້ງນີ້ ແມ່ນໄດ້ສຸມໃສ່ປັບປຸງພື້ນຖານໂຄງລ່າງ ແລະ ບໍລິການທາງດ້ານສາທາລະນະອຸປະໂພກໃຫ້ດີຂຶ້ນເຊິ່ງໄດ້ແກ່ ອ່າງລ້າງມືສາທາລະນະ, ແລະ ສິ່ງອຳນວຍຄວາມສະດວກອື່ນໆ ທີ່ບຸກຄົນທີ່ມີຄວາມສ່ຽງສາມາດເຂົ້າເຖິງໄດ້ບໍ່ວ່າຈະເປັນ ເດັກນ້ອຍ, ໄວໜຸ່ມ, ຜູ້ສູງອາຍຸ, ຄົນພິການ, ແມ່ຍິງ, ຜູ້ອົບພະຍົບແລະ ຊົນເຜົ່າກຸ່ມນ້ອຍ.
ການຮ່ວມມືລະຫວ່າງສາມອົງການດັ່ງກ່າວແມ່ນໄດ້ນຳໃຊ້ທ່າແຮງຂອງຕົນ ເຮັດວຽກຮ່ວມກັບລັດຖະບານຢ່າງໃກ້ຊິດເຊັ່ນ: ກະຊວງສາທາລະນະສຸກ, ກະຊວງແຮງງານ ແລະ ສະຫວັດດີການສັງຄົມ, ລັດວິສາຫະກິດນ້ຳປະປາ, ສູນກາງຊາວໜຸ່ມປະຊາຊົນປະຕິວັດລາວ, ສູນກາງສະຫະພັນແມ່ຍິງລາວ, ແລະ ຄູ່ຮ່ວມພັດທະນາທາງສັງຄົມອື່ນໆໂຄງການນີ້ມີໄລຍະເວລາ 18 ເດືອນ ລວມມູນຄ່າປະມານ 1,389,470 ລ້ານ ໂດລາສະຫະລັດ ໂດຍອົງການ SDC ໄດ້ປະກອບທຶນ 998,970 ໂດລາສະຫະລັດ
ຂໍ້ມູນເພີ່ມເຕີມກະລຸນາຕິດຕໍ່:
Mr. Sysomphorn Phetdaoheuang, ທ່ານ ສີສົມພອນ ເພັກດາວເຮືອງ
Director of Department of International Cooperation, Ministry of Planning and Investment, ຫົວໜ້າພະແນກການຮ່ວມມືສາກົນ, ກະຊວງແຜນການ ແລະ ການລົງທຶນ.
Ms. Natalia Wiik, ທ່ານ ນາງ ນາຕາເລຍ ວີກ
SRHR and AYFS Consultant ທີ່ປຶກສາ SRHR ແລະ AYFS
UNFPA Laos ກອງທຶນເພື່ອປະຊາກອນຂອງສະຫະປະຊາຊາດລາວ
