-ນະຄອນຫຼວງວຽງຈັນ, ວັນທີ 18 ເດືອນມິຖຸນາ ປີ2021 - ທ່ານນາງມາຣຽມ ຄານ, ຜູ້ຕາງໜ້າອົງການ UNFPA ປະຈຳ ສປປ ລາວ, ໄດ້ເຂົ້າຢ້ຽມຄຳນັບພະນະທ່ານນາງທຸມມາລີ ວົງພະຈັນ ເພື່ອສະແດງຄວາມຍິນດີກັບການຮັບຕຳແໜ່ງໃໝ່ ໃນການເປັນປະທານຄະນະກຳມາທິການວັດທະນະ ທຳ - ສັງຄົມຂອງສະພາແຫ່ງຊາດ, ແລະ ໄດ້ປຶກສາຫາລືກ່ຽວກັບການຮ່ວມມືກັນລະ ຫວ່າງອົງການ ສະຫະປະຊາຊາດເພື່ອປະຊາກອນ (UNFPA) ແລະ ສະພາແຫ່ງຊາດໂດຍສອດຄ່ອງກັບແຜນພັດທະນາເສດຖະກິດ - ສັງຄົມແຫ່ງຊາດຄັ້ງທີ 9 (the 9 NSEDP), ກອງປະຊຸມສາກົນກ່ຽວກັບປະຊາກອນ ແລະ ການພັດທະນາ (ICPD), ແລະ ຄວາມມຸ່ງໝັ້ນຮອດປີ 2030 ກ່ຽວກັບການພັດທະນາທີ່ຍືນຍົງ.
ພະນະທ່ານນາງທຸມມາລີ ວົງພະຈັນໄດ້ໃຫ້ການຕ້ອນຮັບທ່ານນາງ ມາຣຽມ ຄານຢ່າງອົບອຸ່ນ, ສະແດງຄວາມຮູ້ບຸນຄຸນຕໍ່ການສືບຕໍ່ສາຍພົວພັນແບບຮ່ວມມືກັນລະຫວ່າງອົງການສະຫະປະຊາຊາດເພື່ອປະຊາກອນ UNFPA ແລະ ສະພາແຫ່ງຊາດ, ພ້ອມທັງຮັບຮູ້ ແລະ ຊົມເຊີຍ ການສະໜັບສະ ໜູນຂອງອົງການ ສະຫະປະຊາຊາດເພື່ອປະຊາກອນ (UNFPA) ຕໍ່ສະພາແຫ່ງຊາດ ແລະ ລັດຖະບານແຫ່ງ ສປປ ລາວ. ທ່ານນາງທຸມມາລີ ກ່າວວ່າ: “ອົງການສະຫະປະຊາຊາດເພື່ອປະຊາກອນ UNFPA ໄດ້ສະໜັບສະໜູນ ແລະ ປະກອບສ່ວນເຂົ້າໃນການພັດທະນາໂດຍລວມ ຕໍ່ສປປ ລາວ ແລະ ໂດຍສະເພາະ ວຽກແມ່ນບັນດາບຸລິມະສິດຂອງສະພາແຫ່ງຊາດ“
ບັນດາບຸລິມະສິດຂອງຄະນະກຳມະທິການວັດທະນະ ທຳ - ສັງຄົມ (CSAC) ໃນໄລຍະ 5 ປີຕໍ່ໜ້າ ປະກອບມີ: ການທົບທວນ, ປັບປຸງ ແລະ ສ້າງກົດໝາຍ ແລະ ລະບຽບການຕ່າງໆ ທີ່ກ່ຽວຂ້ອງກັບວຽກງານວັດທະນະ ທຳ - ສັງຄົມ; ຄວາມເປັນເອກະພາບກັນຕໍ່ບັນຫາສຳຄັນຂອງ ສປປ ລາວ; ຕິດຕາມການຈັດຕັ້ງປະຕິບັດກົດໝາຍ, ລະບຽບການ ແລະ ກອບນະໂຍ ບາຍກ່ຽວກັບວຽກງານວັດທະນະທຳ - ສັງຄົມ; ເພີ່ມທະວີຄວາມສາມາດຂອງສະມາຊິກ ຄະນະກຳມະທິການວັດທະນະ ທຳ - ສັງຄົມ ແລະ ປັບປຸງການຮ່ວມມືກັບອົງການຈັດຕັ້ງສາກົນ ແລະ ເພີ່ມທະວີການພົວພັນກັບບັນດາສະມາຊິກສະພາແຫ່ງຊາດໃນພາກພື້ນ ແລະ ໃນທົ່ວໂລກ.
ທ່ານນາງມາຣຽມ ຄານ ກ່າວຊົມເຊີຍຕໍ່ພະນະທ່ານນາງທຸມມາລີ ວົງພະຈັນ ກ່ຽວກັບການໄດ້ຮັບແຕ່ງຕັ້ງຕໍາແໜ່ງໃໝ່ຂອງທ່ານນາງ ແລະ ໄດ້ກຳນົດບາງຂົງເຂດທີ່ສອດຄ່ອງກັນລະຫວ່າງວຽກຂອງ ສະຫະປະຊາຊາດເພື່ອປະຊາກອນ (UNFPA) ແລະ ວຽກທີ່ເປັນບຸລິມະສິດຂອງຄະນະກຳ ມາທິການວັດ ທະນະທຳ - ສັງຄົມ. ໃນນັ້ນລວມມີ: i) ການເກັບກຳຂໍ້ມູນ ແລະ ການວິເຄາະ ຂໍ້ມູນດ້ານປະຊາກອນ, ໂດຍສະເພາະການສຳຫຼວດພົນລະເມືອງ 2025; ii) ການພັດທະນາ ແລະ ການລົງທືນແບບຍືນຍົງໂດຍສຸ່ມໃສ່ການພັນທະນາປະຊາກອນ, ໂດຍສະເພາະແມ່ນແມ່ຍິງ ແລະ ເດັກຍິງ, ແລະ iii) ການຕິດຕາມກວດກາຄວາມຄືບໜ້າໃນການສ້າງແຜນການຂອງຂະແໜງການ ແລະ ແຜນພັດທະນາເສດຖະກິດ - ສັງຄົມແຫ່ງຊາດຄັ້ງທີ 9 (the 9 NSEDP) ໂດຍຜ່ານບັນດາຕົວຊີ້ວັດຂອງສະພາແຫ່ງຊາດ.
ທ່ານນາງມາຣຽມ ຄານຍັງກ່າວວ່າ: “ ອົງການສະຫະປະຊາຊາດເພື່ອປະຊາກອນ (UNFPA) ລົງທຶນໃສ່ດ້ານການເກັບກຳຂໍ້ມູນ ເພື່ອວັດແທກຄວາມຄືບໜ້າ, ລວມທັງການນຳໃຊ້ບັນດາຕົວຊີ້ວັດອັນດຽວກັນທີ່ສະພາແຫ່ງຊາດກໍນໍາໃຊ້ເພື່ອຕິດຕາມກວດກາ. ຕົວເລກຂໍ້ມູນ ແລະ ການວິເຄາະດ້ານປະຊາກອນເປັນຂໍ້ມູນໃຫ້ແແກ່ການວາງແຜນການ ແລະ ການສ້າງຍຸດທະສາດໃນດ້ານສາທາລະນະສຸກ, ການສຶກສາ ແລະ ຄວາມສະເໝີພາບຍິງ-ຊາຍ ແລະ ການປ້ອງກັນການໃຊ້ຄວາມຮຸນແຮງບົນພື້ນຖານທາງເພດ, ການເອົາໃຈໃສ່ຜູ້ທີ່ຖືກປ່ອຍປະໄວ້ເບື້ອງຫຼັງ. ຊຶ່ງສ່ວນຫຼາຍແລ້ວ, ແມ່ນໄວໜຸ່ມ ແລະ ຊາວໜຸ່ມ, ແມ່ຍິງ ແລະ ເດັກຍິງເປັນຜູ້ທີ່ຕ້ອງການເພີ່ມການເອົາໃຈໃສ່ການລົງທືນໃສ່ພວກເຂົາ ໃນດ້ານການປົກປ້ອງ ແລະ ການສ້າງຄວາມເຂັ້ມແຂງ.”
ທ່ານນາງມາຣຽມ ຄານ ໄດ້ກ່າວເຖິງຄວາມຈຳ ເປັນໃນການລົງທືນໃສ່ການພັດທະນາໄວໜຸ່ມ ແລະ ຊາວໜຸ່ມ. ທ່ານກ່າວວ່າ: ”ເກືອບເຄິ່ງໜຶ່ງຂອງປະຊາກອນທັງໝົດຂອງສປປລາວ ແມ່ນຊາວໜຸ່ມທີ່ມີອາຍຸ ຕໍ່າກວ່າ 25 ປີ. ດັ່ງນັ້ນ, “ກອບວຽກນາງນ້ອຍ“ ທີ່ໄດ້ສ້າງຂຶ້ນແມ່ນອີງໃສ່ຕົວເລກຂໍ້ມູນ, ແລະ ບັນດາເຈົ້າແຂວງກໍໄດ້ເຊື່ອມສານ “ກອບວຽກນາງນ້ອຍ“ ເຂົ້າໃນແຜນການຂອງແຂວງຕົນ. ຄຽງຄູ່ກັນນັ້ນ, ປະຕິບັດຄຳໝາຍໜັ້ນຂອງຊາດຕໍ່ກອງປະຊຸມສາກົນເພື່ອການພັດທະນາປະຊາກອນ (ICPD25) ເພື່ອຮັບປະກັນການພັດທະນາໄວໜຸ່ມ ແລະ ຊາວໜຸ່ມໃນດ້ານສຸຂະພາບ, ສະຫວັດດີພາບ, ການສຶກສາ ແລະ ການຈ້າງງານແຕ່ນີ້ເຖິງປີ 2030 ”
ການປະຊຸມ ໄດ້ສະຫຼຸບ ການຕົກລົງເຫັນດີເປັນເອກະພາບໃນການຮ່ວມມືທັງສອງຝ່າຍ ກ່ຽວກັບບົດບາດຂອງສະພາແຫ່ງຊາດໃນການຕິດ ຕາມກວດກາ ແລະ ຊຸກຍູ້ ການຈັດຕັ້ງປະຕິບັດ ບັນດາຕົວຊີ້ວັດຂອງ ແຜນພັດທະນາເສດຖະກິດ - ສັງຄົມແຫ່ງຊາດຄັ້ງທີ 9 (the 9 NSEDP), ໂດຍສະເພາະ ບັນດາຕົວຊີວັດດ້ານການສຶກສາ, ສາທາລະນະສຸກ, ແຮງງານ ແລະ ສັງຄົມ, ການສ້າງຄວາມເຂັ້ມແຂງໃຫ້ແກ່ແມ່ຍິງ ແລະ ຄວາມຮຸນແຮງບົນພື້ນຖານທາງເພດ. ການຮ່ວມມືດັ່ງກ່າວແມ່ນສ່ວນໜຶ່ງຂອງແຜນງານລະດັບປະເທດ ຄັ້ງທີ່ 7 (CP7) ຂອງອົງການສະຫະປະຊາຊາດເພື່ອປະຊາກອນ (UNFPA) ສຳລັບ (2022-2026) ຊຶ່ງຈະສະໜັບສະໜູນລັດຖະບານແຫ່ງ ສປປລາວ ເພື່ອເລັ່ງລັດການຈັດຕັ້ງປະຕິບັດ ICPD25 ແລະ ບັນລຸ SDGs ໃນປີ 2030.
************
ອົງການ UNFPA ແມ່ນອົງການສະຫະປະຊາຊາດ ກ່ຽວກັບ ສິດທິ ແລະ ສຸຂະພາບທາງເພດ ແລະ ສຸຂະພາບຈະເລີນພັນ. ແມ່ນອົງກອນທີ່ເປັນຜູ້ນຳໃນການເຮັດໃຫ້ໂລກເປັນບ່ອນທີ່ທຸກໆການຖືພາມາຈາກຄວາມຕ້ອງການ, ທຸກການເກີດ ປອດໄພ ແລະ ໄວໜຸ່ມທຸກຄົນສາມາດບັນລຸທ່າແຮງຂອງຕົນ. ອົງການ UNFPA ສົ່ງເສີມສິດທິທາງດ້ານສຸຂະພາບທາງເພດ ແລະ ສຸຂະພາບຈະເລີນພັນ, ໂດຍສະເພາະ ສຸຂະພາບຂອງແມ່, ໃນຫຼາຍກວ່າ 150 ປະເທດ, ລວມທັງ ຊ່ວຍໃນການຢຸດຕິການປະຕິບັດທີ່ເປັນອັນຕະລາຍ ເຊັ່ນ ການແຕ່ງງານໃນໄວເດັກ, ແລະ ສະໜັບສະໜູນການເກັບກຳ ແລະ ວິໄຈຂໍ້ມູນປະຊາກອນ.
ສຳລັບຂໍ້ມູນເພີ່ມເຕີມ ຕິດຕໍ່:
ທ່ານນາງສີສຸວັນ ວໍຣະບຸດ,
ໂຄງການນຳພາດ້ານບົດບາດຍິງ - ຊາຍ,
ອົງການ UNFPA ປະຈຳສປປລາວ
ທ່ານນາງວັນລີ ລໍກວາງມິງ.
ນັກວິເຄາະດ້ານການສື່ສານ ແລະ ການເປັນຄູ່ຮ່ວມ
ອົງການ UNFPA ປະຈຳ ສປລາວ,
