ນະຄອນຫຼວງວຽງຈັນ, ວັນທີ 15-16 ຕຸລາ 2020 - ກະຊວງສາທາລະນະສຸກ ນຳໂດຍ ສະພາຄຸ້ມຄອງວະຊາຊີບ ແລະ ປິ່ນປົວ ໄດ້ດຳເນີນກອງປະຊຸມກັບພະນັກງານວິຊາການທີ່ສຳຄັນເພື່ອທົບທວນເນື້ອໃນຂອງທັງຂອບເຂດການປະຕິບັດການແພດຜະດຸງຄັນ (2009) ແລະ ມາດຕະຖານທາງດ້ານການຊ່ວຍຂອງການປະຕິບັດຜະດຸງຄັນ ສ ປ ປ ລາວ (2009), ພ້ອມດ້ວຍຄູ່ຮ່ວມງານທີ່ກ່ຽວຂ້ອງ. ຂໍ້ສະ ເໜີ ຕ່າງໆທີ່ໄດ້ຖືກສະເໜີຈາກກອງປະຊຸມເຫຼົ່ານີ້ທີ່ໄດ້ຖືກຈັດຕັ້ງປະຕິບັດຕັ້ງແຕ່ຕົ້ນປີທີ່ຜ່ານມາ ໄດ້ຮັບການພິຈາລະນາ, ຜ່ານເນື້ອໃນໂດຍທີມຄູອາຈານພາກທິດສະດີ, ຕາກສະຖານການສຶກສາ ສາທາລະນະສຸກ ແລະ ພາກປະຕິບັດຕົວຈິງ ຈາກໂຮງໝໍສູນກາງ ແລະ ສະຖານທີ່ ທີ່ຜະດຸງຄັນລົງເຝິກປະຕິບັດກອງປະຊຸມ ໄດ້ດຳເນີນໄປເປັນເວລາ 02 ວັນ ດັ່ງກ່າວນື້.
ລັດຖະບານລາວໄດ້ໃຫ້ຄຳໝາຍໝັ້ນຕໍ່ ICPD25 (ກອງປະຊຸມສາກົນວ່າດ້ວຍປະຊາກອນ ແລະ ການພັດທະນາ ຄົບຮອບ 25 ປີ) ໃນປີ 2019 ວ່າຮອດປີ 2030, ອັດຕາ ການຕາຍຂອງແມ່ຈະຖືກລົບລ້າງກາຍເປັນສູນ ໂດຍການຍົກລະດັບຄຸນນະພາບການປິ່ນປົວ ແລະ ການຈະເລີນພັນ, ແມ່, ເດັກເກີດໃໝ່, ຍຸດທະສາດການເບິ່ງແຍງສຸຂະພາບຂອງເດັກນ້ອຍ ແລະ ໄວໜຸ່ມ ແລະ ນະໂຍບາຍດ້ານສຸຂະພາບ ແລະ ຮັບປະກັນການສະໜອງການບໍລິການສຸຂະພາບໂດຍອີງໃສ່ຄວາມພ້ອມ, ຄວາມສາມາດໃນການບໍລິການ ແລະ ໃຫ້ມີຄຸນນະພາບສູງ. ເປົ້າໝາຍໃໝ່ໄດ້ຖືກກຳນົດຢ່າງຈະແຈ້ງ, ເພື່ອເພີ່ມອັດຕາສ່ວນຂອງແມ່ຍິງທີ່ເກີດລູກ ພາຍໃຕ້ການຊ່ວຍເຫຼືອທີ່ຊຳນານງານໃຫ້ສູງເຖິງ 90%. ຕົວເລກລ່າສຸດ (LSIS II, 2017) ສະແດງໃຫ້ເຫັນວ່າຫຼາຍກວ່າ 35% ຂອງແມ່ຍິງຍັງໄດ້ໃຫ້ກຳເນີດລູກ ໂດຍການເບິ່ງແຍງຂອງຜູ້ຊ່ວຍເກີດທີ່ບໍ່ມີຄວາມຊຳນານ. ການບໍລິການທາງດ້ານຜະດຸງຄັນທີ່ມີຄຸນນະພາບທີ່ໄດ້ຮັບຄວາມໄວ້ວາງໃຈຈາກປະຊາຊົນແມ່ນກຸນແຈສຳຄັນໃນການບັນລຸເປົ້າໝາຍທີ່ໄດ້ກຳນົດໄວ້ໃນICPD25.
ດ້ວຍຄຳໝັ້ນສັນຍາທີ່ສຳຄັນນີ້ ແມ່ນອີງໃສ່ກຳລັງແຮງຂອງຜະດຸງຄັນເປັນຕົ້ນຕໍ, ກະຊວງສາທາລະນະສຸກຕ້ອງຮັບປະກັນໂຄງສ້າງທີ່ເຂັ້ມແຂງເພື່ອນຳໃຊ້ ຂອບເຂດການປະຕິບັດການແພດຜະດຸງຄັນ ພ້ອມດຽວກັນກັບຂອບເຂດປະຕິບັດການ. ສະນັ້ນ, ກອງປະຊຸມຄັ້ງນີ້ໄດ້ກຳນົດເພື່ອກວດກາເອກະສານທັງສອງສະບັບ ນັບແຕ່ປີ 2009 ເພື່ອຮັບປະກັນວ່າເອກະສານເຫຼົ່ານີ້ສອດຄ່ອງກັບຫຼັກຖານທີ່ທັນສະໄໝ ແລະ ຄວາມເປັນຈິງຂອງວຽກງານຜະດຸງຄັນໃນ ສ ປ ປ ລາວ.ຜະດຸງຄັນ ແມ່ນໜຶ່ງໃນເສົາຫຼັກທີ່ຊ່ວຍຫຼຸດຜ່ອນອັດຕາການຕາຍຂອງແມ່, ເດັກນ້ອຍ ແລະ ຍັງຊ່ວຍໃຫ້ມີສຸຂະພາບທີ່ແຂງແຮງ ແລະ ຍົກລະດັບຊີວິການເປັນຢູ່ຂອງແມ່ຍິງ ແລະ ເດັກນ້ອຍໃນເວລາດຽວກັນອີກດ້ວຍ. ການລົງທຶນສ້າງຄວາມເຂັ້ມແຂງແພດຜະດຸງຄັນ ຈະເປັນຜົນສະທ້ອນອັນໃຫຍ່ຫຼວງຕໍ່ສຸຂະ ພາບຂອງ ແມ່, ໄວໜຸ່ມ ແລະ ເດັກນ້ອຍ. ຫຼັກຖານທີ່ຜ່ານມາສະແດງໃຫ້ເຫັນວ່າ 83% ຂອງການເສຍຊີວິດທັງໝົດຂອງແມ່, ການຕາຍຂອງເດັກນ້ອຍ ແລະ ເດັກເກີດໃໝ່ ແມ່ນມາຈາກບັນດາປັດໄຈທີ່ສາມາດຫລີກລ່ຽງໄດ້ ດ້ວຍການຍົກສູງຄຸນນະພາບຂອງແພດຜະດຸງຄັນ ແລະ ການວາງແຜນຄອບຄົວ. ເພື່ອຮັບປະກັນວ່າແມ່ຍິງໃນໄວຈະເລີນພັນໝົດທຸກຄົນ ໄດ້ຮັບການເບິ່ງແຍງດູແລຈາກແພດຜະດຸງຄັນທີ່ມີຄວາມຊຳນານງານ, ການປັບປຸງມາດຕະຖານການສຶກສາຂອງແພດຜະດຸງຄັນແມ່ນມີຄວາມ ສຳຄັນ ເຊັ່ນດຽວກັນກັບການເພີ່ມປະລິມານຂອງໂຄງປະກອບ ແລະ ການສະໜອງການບໍລິການໃຫ້ພຽງພໍ ແລະ ທົ່ວເຖິງ.
ກອງປະຊຸມດັ່ງກ່າວ ໄດ້ດຳເນີນພາຍໃຕ້ການເປັນປະທານຂອງ ທ່ານ ດຣ. Ponemek Dalaloy, ປະທານສະພາຄຸ້ມຄອງວິຊາຊີບ ແລະ ປິ່ນປົວ, ທ່ານ ນາງ ແສງມະນີ ຄຳບຸນເຮືອງ, ຮອງຫົວໜ້າກົມການສຶກສາ ສາທາລະນະສຸກ,ໂດຍມີຜູ້ຕາງໜ້າຈາກ ອົງການ UNFPA ເຂົ້າຮ່ວມ. ນອກຈາກນັ້ນ, ຍັງມີຜູ້ເຂົ້າຮ່ວມຈາກ ສະຖານການສຶກສາ ສາທາລະນະສຸກທົ່ວປະເທດ, ຄະນະພະຍາບານສາດ ພາກວິຊາຜະດຸງຄັນ, ສະພາ ພະຍາບານ, ສະມາຄົມສູດຕິສາດນາລິເວດ, ສະມາຄົມຜະດຸງຄັນ ແລະ ພາກສ່ວນຕ່າງໆຈາກອົງການຈັດຕັ້ງລັດ ທີ່ ພົວພັນກັບວຽກງານຜະດຸງຄັນ ທີ່ໄດ້ເຮັດວຽກຢ່າງບໍ່ຮູ້ອິດເມື່ອຍ ຜ່ານຫລາຍກອງປະຊຸມ ເພື່ອສະ ຫລຸບໃນກອງປະຊຸມຢັ້ງຢືນສອງວັນ.
ສະຖານະການຂອງການແພ່ລະບາດຂອງພະຍາດ COVID-19 ໃນ ສປປ ລາວ ກຳລັງບົ່ງບອກວ່າພວກເຮົາຕ້ອງຕອບສະໜອງຕໍ່ຄວາມຕ້ອງການຂອງປະຊາຊົນ. ມັນເຮັດໃຫ້ພວກເຮົາເຫັນໄດ້ວ່າ ແມ່ຍິງໄດ້ເຂົ້າເຖິງສະຖານໃຫ້ບໍລິການສາທາລະນະສຸກພາຍໃນປະເທດລາວເພີ່ມຂຶ້ນ ພຽງຍ້ອນມີພະຍາດ COVID ທີ່ເຮັດໃຫ້ພວກເຂົາສາມາດໄປປະເທດເພື່ອນບ້ານເພື່ອໃຫ້ກຳເນີດບຸດໄດ້ຄືແຕ່ກ່ອນ. ສະ ເພາະຢູ່ໂຮງ ໝໍແມ່ ແລະ ເດັກເກີດໃໝ່ ໃນນະຄອນຫຼວງ, ເຫັນວ່າ ຈຳນວນການເກີດໄດ້ເພີ່ມຂື້ນຈາກ 5,000 ໃນປີທີ່ຜ່ານມາ ເປັນ 7,000 ຄົນໃນປີ 2020,ແລະ ສະຖິຕິນີ້ຍັງບໍ່ທັນຮອດທ້າຍປີ. ສະນັ້ນ, ພວກເຮົາຄວນນຳໃຊ້ໂອກາດນີ້ຮັບໃຊ້ແມ່ຍິງຂອງພວກເຮົາ, ເພື່ອຍົກສູງຄຸນນະພາບຂອງການບໍລິການ ແລະ ພະຍາຍາມຮັກສາພວກເຂົາໄວ້ກັບພວກເຮົາໃນອະນາຄົດ ', ທ່ານ ສາດສະດາຈານ Ponemek Dalaloy, ປະທານສະພາວິຊາຊີບ ແລະ ປິິ່ນປົວກ່າວ. ຂະບວນການກວດສອບໃຊ້ເວລາ 02 ວັນ, ໂດຍມີການເຂົ້າຮ່ວມຢ່າງພ້ອມພຽງໂດຍແພດຜະດຸງຄັນຈາກສະຖານການສຶກສາທົ່ວປະເທດ, ສະມາ ຄົມວິຊາຊີບ ແລະພາກສ່ວນຕ່າງໆຈາກອົງການຈັດຕັ້ງລັດ ທີ່ພົວພັນກັບວຽກງານຜະດຸງຄັນ; ຜູ້ທີ່ໃຫ້ ການວິເຄາະ ແລະ ຄຳແນະນຳ ທີ່ສຳຄັນເພື່ອປັບປຸງການປັບປຸງເອກະສານໃນປະຈຸບັນທີ່ກຳນົດ ແລະ ຕົກລົງກ່ຽວກັບຂອບເຂດຂອງການປະຕິບັດແລະມາດຕະຖານທາງດ້ານການຊ່ວຍຂອງການປະ ຕິບັດວຽກງານຜະດຸງຄັນໃນ ສປປ ລາວ.
ອົງການ UNFPA ແມ່ນອົງການສຸຂະພາບຈະເລີນພັນ ແລະ ສິດທິໃນການຈະເລີນພັນຂອງສະຫະປະຊາຊາດ. ເປັນອົງການທີ່ນຳໜ້າໃນການນຳສະເໜີໂລກທີ່ ທຸກໆການຖືພາເປັນສິ່ງທີ່ຕ້ອງການ, ການເກີດລູກທຸກໆຄັ້ງມີຄວາມປອດໄພ ແລະ ຄວາມສາມາດຂອງໄວໜຸ່ມທຸກຄົນແມ່ນບັນລຸຜົນສຳເລັດ. ອົງການ UNFPA ສົ່ງເສີມ ສິດທິສຸຂະພາບທາງເພດ ແລະ ສຸຂະພາບຈະເລີນພັນ, ໂດຍສະເພາະແມ່ນສຸຂະພາບຂອງແມ່, ໃນຫລາຍກວ່າ 150ປະເທດ, ພ້ອມທັງເຮັດວຽກເພື່ອຢຸດຕິການປະຕິບັດທີ່ເປັນອັນຕະລາຍ ເຊັ່ນ: ການແຕ່ງງານໃນໄວເດັກ, ແລະ ເກັບກຳ, ວິເຄາະຂໍ້ມູນກ່ຽວກັບປະຊາກອນ.
ສຳລັບຂໍ້ມູນເພີ່ມເຕີມກະລຸນາຕິດຕໍ່: ທ່ານ ນາງ ສິລິພອນ ສະກຸນຄູ, ຜູ້ປະສານງານໂຄງການ SRH
ອີເມວ: ssakulku@unfpa.org
